გივი მებონია

დაბადების ადგილი: ქ. ოჩამჩირე.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1951 წელს.

1951 წელს დაიწყო მუშაობდა ქ. ტყვარჩელში ადგილობრივი რესურსების საკარიერო სამმართველოში ინჟინრად, საბაგირო გზების სამშენებლო-სამონტაჟო სამმართველოს უფროსის მოადგილედ; 1953 წლიდან "საქენერგოს" ტყვარჩელის ცენტრალური ელექტრო-მექანიკური საამქროს უფროსი იყო; 1958 წელს გადაყვანილ იქნა ტრესტ "ტყვარჩელქვანახშირის" მშენებლობის განყოფილებაში უფროს ინჟინრად, განყოფილების უფროსად; 1962 წელს დაინიშნა საქართველოს საშენ მასალათა მრეწველობის სამინისტროს ტყვარჩელის საშენმასალების ქარხნის დირექტორად; 1965 წელს დაწინაურრებულ იქნა ტრესტ "ტყვარჩელქვანახშირის" მმართველის მოადგილედ კაპიტალური მშენებლობის დარგში; 1969-1970წწ. გადაიყვანეს ბოლნისში საქართველოს მშენებლობის სამინისტროს სამშენებლო სამმართველო "მადნეულმშენის" უფროსად; 1970-1972წწ. მუშაობდა სოხუმის საქალაქო საბჭოს აღმასკომის სარემონტო სამმართველოს უფროსად; 1972 წლიდან "ცეკავშირის" სისტემაშია სოხუმის სამშენებლო-სარემონტო სამმართველოს უფროსად; 1978 წლიდან სიცოცხლის ბოლომდე მუშაობდა საქართველოს სასოფლო მშენებლობის სამინისტროს N6 სამშენებლო ტრესტის N33 მოძრავ-მექანიზებული კოლონის უფროსად, სადაც თითქმის ათი წლის განმავლობაში სოფლის მეურნეობის არაერთი მნიშვნელოვანი ობიექტის, საცხოვრებელი სახლების, წყალსადენისა და სხვა საკომუნიკაციო მაგისტრალების მშენებლობას ხელმძღვანელობდა; არჩეული იყო ტყვარჩელის საქალაქო საბჭოს დეპუტატად; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.389

• საქართველოს დამსახურებული ინჟინერი