ლევან მებონია

დაბადების ადგილი: ქ. წალენჯიხა.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1978 წელს.

მუშაობდა მშენებარე "ენგურჰესის" ელექტრო საამქროს ინჟინრად; 1979-1981წწ. იყო ელექტრული ლაბორატორიის უფროსი; 1981-1984წწ. ენგურის ჰესების კასკადის საწარმოო-ტექნიკური განყოფილების უფროსი; 1984-1991წწ. მუშაობდა ენგურის ჰესების კასკადის მთავარი ინჟინრის მოადგილედ; 1992 წელს დაინიშნა "ენგურჰესის" მთავარ ინჟინრად; 2001-2002წწ. შპს "ენგურჰესის" დირექტორის მოვალეობის შემსრულებელი იყო; 2002-2003წწ. კი - შპს "ენგურჰესის" დირექტორი; 2005 წლიდან არის შპს "ენგურჰესის" დირექტორთა საბჭოს თავმჯდომარე.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.390

• ღირსების ორდენი