ვახტანგ მებუკე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1986 წელს; ამავე ინსტიტუტის ასპირანტურა.

მუშაობდა სახელმწიფო საპროექტო ინსტიტუტ "თბილქალაქპროექტში", საქართველოს მშენებლობის სამინისტროს N2 სამშენებლო ტრესტის N2 და N1 სამმართველოებში ოსტატად, სამუშაოთა მწარმოებლად, უბნის უფროსად, მთავარ ინჟინრად; 2001-2002წწ. იყო შპს "ოსკარის" გენერალური დირექტორი; 2002-2004წწ. მუშაობდა საქართველოს ნავთობის კორპორაციის სისტემაში მშენებლობის უფროს მენეჯერად; 2004 წლიდან ცხოვრობს და პროფესიულ საქმიანობას ეწევა აშშ-ში, კალიფორნიაში; მისი მონაწილეობით აშენდა: თბილისის რძის ქარხანა, საფოსტო ყუთ "ვნიტეს" თელეთის ლაბორატორიული ქარხანა, საქართველოს ჯანდაცვის სამინისტროს N4 სამმართველოს კლინიკური საავადმყოფო დიღომში, კავკასიის მინერალური ნედლეულის ს/კ ინსტიტუტის ლაბორატორიული კორპუსი, დასასვენებელი კომპლექსი კურორტ მიუსერაში, ჩინეთის საელჩოს ეკონომიკური სამსახურის მრავალფუნქციური დანიშნულების ხუთსართულიანი ოფისი თბილისში; ჩატარდა შ. რუსთაველის სახელობის სახელმწიფო დრამატული თეატრის აღდგენა-რეკონსტრუქცია და მიშენება; იყო თვალსაჩინო სპორტსმენი- წყალბურთელი; 2006 წელს, წყალბურთის მსოფლიო ფედერაციის "ფინას" გადაწყვეტილებით მიენიჭა საერთაშორისო კატეგორიის მსაჯის წოდება; დაჯილდოებულია მედლით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.390-391