შალვა ნაირაშვილი

დაბადების ადგილი: ქ. თბილისი.

დაამთავრა ნოვოჩერკასკის (რუსეთი) საშუალო სამხედრო-პოლიტიკური სასწავლებელი 1967 წელს, ხოლო 1975 წელს ოფიცერთა უმაღლესი კურსები მოსკოვში.

1967-1970 წლებში მსახურობდა ამიერკავკასიის სამხედრო ოლქში ასეულის მეთაურის მოადგილედ. 1970-1975 წწ. მსახურობდა საბჭოთა ჯარების ჯგუფში გერმანიაში, ბატალიონის მეთაურის მოადგილედ. 1976-1978 წწ. მსახურობდა შორეული აღმოსავლეთის სამხედრო ოლქში, პოლკის მეთაურის მოადგილედ. 1978-1986 წწ. კი შორეული აღმოსავლეთის სამხედრო ოლქის სასწავლო ცენტრის უფროსად. 1986-1989 წლებში იგი იყო საქართველოს სსრ სამხედრო კომისარიატის სისტემაში, სამხედრო კომისრის მოადგილე, I განყოფილების უფროსი. 1989 წელს აქტიურად ჩაერთო ეროვნულ-გამათავისუფლებელ მოძრაობაში. იყო ეროვნული გვარდიის ერთ-ერთი დამაარსებელი. 1989-1990 წლებში იყო ეროვნული გვარდიის სამხედრო კონსულტანტი. 1990-1991 წლებში იგი ეროვნული გვარდიის საბრძოლო მომზადების სამმართველოს უფროსია, ხოლო 1991-1992 წწ.  ეროვნული გვარდიის შტაბის უფროსი. 1992 წლის აპრილში დაინიშნა ეროვნული გვარდიის (სწრაფი რეაგირების კორპუსი) ძალების სარდლის მოადგილედ. 1993 წლის მაისში დაინიშნა სამხედრო-საჰაერო და ჰაერსაწინაღო თავდაცვის ძალების პირველ სარდლად. აქტიურად მონაწილეობდა საქართველოს ტერიტორიული მთლიანობისათვის წარმოებულ სამხედრო მოქმედებებში. არაერთხელ დაჭრილა მძიმედ, ერთ-ერთი სამხედრო ოპერაციის მსვლელობისას, დაიღუპა გმირის სიკვდილით ბრძოლის ველზე. მიღებული აქვს სახელმწიფო ჯილდოები. ბრიგადის გენერალი, გენერალ-მაიორი.

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.128