ნუგზარ მელაძე

დაამთავრა საქართველოს პოლიტექნიკური ინსტიტუტის ენერგეტიკული ფაკულტეტი 1961 წელს.

1961-1969წწ. მუშაობს თბილისის საქალაქო საბჭოს აღმასკომის თბომეურნეობის სამმართველოს ცენტრალური ლაბორატორიის ხელმძღვანელად; 1969-1972წწ. საქართველოს კომუნალური მეურნეობის სამინისტროს თბომეურნეობის სამმართველოს უფროსად; 1972-1975წწ. მუშაობდა საქართველოს ენერგეტიკისა და ჰიდროტექნიკურ ნაგებობათა სამეცნიერო კვლევით ინსტიტუტში, ზოგადი ენერგეტიკის განყოფილების უფროს მეცნიერ-მუშაკად; 1975-1995წწ. იყო საქართველოს მთავარი სპეცსამონტაჟო სამმართველოს "საქმთავარმონტაჟსპეცმშენის" სამონტაჟო სამმართველო "სპეცჰელიოთბომონტაჟის" უფროსი; 1995-1998წწ. იყო საქართველოს ენერგეტიკის სამინისტროს დეპარტამენტის უფროსი; 1998-2005წწ. სააქციო საზოგადოება "სპეცჰელიოთბომონტაჟის" სამმართველოს უფროსი;  1990-2004წწ. იყო საქართველოს ენერგეტიკისა და ჰიდროტექნიკისა და ჰიდროტექნიკურ ნაგებობათა ს/კ ინსტიტუტის სამეცნიერო საბწოს წევრი; 2001-2002წწ. მონაწილეობდა შვეიცარიის მთავრობის პროექტში "საქართველოს მთიანეთის განვითარება"; მონაწილეობდა ნატოსა და იუსეიდის სხვა პროექტებში; მისი ხელმძღვანელობით შეიქმნა მზის ენერგიის საშუალებით ცხელი წყლით მომარაგების მზის კოლექტორების დამამზადებელი ქარხნები; 1984 წლიდან ყოფილი საბჭოთა კავშირის სივრცეში 300 ობიექტზე დაინერგა 500 ათასი კვ. მ. მზის კოლექტორები; აქვს 116 გამოგონება, მათ შორის 2012 წელს აღებული აქვს პატენტი მზის ენერგიის მასშტაბურ ათვისებაზე; 74 სამეცნიერო ნაშრომის ავტორია, რომლებიც გამოქვეყნებულია მაღალი რეიტინგის მქონე საერთაშორისო და ეროვნულ ჟურნალებში; გამოცემული აქვს ორი სახელმძღვანელო. 1972 წელს დაიცვა საკანდიდატო, ხოლო 1990 წელს სადოქტორო დისერტაცია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.393

• საქართველოს ეროვნული ენერგეტიკული აკადემია, აკადემიკოსია (2005-)