დავით მელიქსეთ-ბეგი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1944 წელს.

1946 წლიდან მუშაობდა საპროექტო ინსტიტუტ "საქსახწყალპროექტის" ინჟინერ-დამამგეგმარებლად; 1951 წლიდან ამავე ინსტიტუტის ჯგუფის ხელმძღვანელი, პროექტის მთავარი ინჟინერი, ჰიდროლოგიური განყოფილების უფროსი და ინსტიტუტის დირექტორის მოადგილე იყო; 1952 წელს დაამთავრა საქართველოს ჰიდროტექნიკისა და მელიორაციის სამეცნიერო-საკვლევი ინსტიტუტის ასპირანტურა და იქვე დაიწყო მუშაობა უმცროს მეცნიერ-თანამშრომლად; 1968 წელს მივლინებული იყო ირანში, ხოლო 1976-1977წწ. სირიის არაბთა რესპუბლიკაში; აქტიური მონაწილეობა აქვს მიღებული ზემო და ქვემო სამგორის, ზემო ალაზნის სარწყავი სისტემების, კოლხეთის დაჭაობებული მიწების დაშრობისა და სხვა ობიექტების პროექტების დამუშავებაში და მშენებლობაში; იყო საქართველოს პოლიტექნიკური ინსტიტუტის პედაგოგი; ტექნიკურ მეცნიერებათა კანდიდატი; გამოქვეყნებული აქვს ექვსი სამეცნიერო ნაშრომი; დაჯილდოებულია სახელმწიფო 3 მედლითა და საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.394

• საქართველოს დამსახურებული ინჟინერი