გიორგი მენაბდე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-მშენებლის კვალიფიკაციით 1963 წელს.

1964 წელს მუშაობა დაიწყო საპროექტო ინსტიტუტ "თბილჰიდროპროექტში" ინჟინრის თანამდებობაზე; 1975 წლიდან იყო ნამახვანის ჰესების კასკადის პროექტის მთავარი ინჟინერი; 1988 წლიდან დაინიშნა ენგურის ჰესების კასკადის "ვარდნილჰეს I"-ის პროექტის მთავარ ინჟინრად; ხელმძღვანელობდა "ვარდნილჰეს I"-ის ტექნიკური და მუშა პროექტების, ასევე, ვარციხის ჰესების კასკადის დეტალური პროექტის, სამურზაყანოს სარწყავი სისტემის სათავე ნაგებობების, "ჩხოროწყუჰესის", "ზაჰესის" სადერივაციო გვირაბის და სხვა ნაგებობების რეაბილიტაციის პროექტების შემუშავებას; 1993 წლიდან შპს "ბასიანი-93"-ის ტექნიკური დირექტორია; 1993-2009წწ. მონაწილეობა მიიღო საქართველოს მდინარეების ჰიდროენერგეტიკული რესურსის ათვისების პროექტების და მოქმედი ჰესების რეაბილიტაციის დოკუმენტაციის შემუშავებაში; 2007 წელს დაინიშნა საპროექტო ინსტიტუტ "თბილჰიდროპროექტის" ტექნიკური განყოფილების უფროსად; იყო ნამახვანის ჰესების კასკადის ტექნიკურ-ეკონომიკური დასაბუთების დამუშავების პროექტის კოორდინატორი ქართული მხრიდან.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.398