ნიკოლოზ დროზდოვი

დაბადების ადგილი: ყარაგანდის ოლქი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1969 წელს.

1969-1985წწ. მუშაობდა უნივერსიტეტის კინოსა და ტელევიზიის სამეცნიერო -სასწავლო ლაბორატორიაში რედაქტორად; 1980-1985წწ. იყო ქდსპფ სტუდიის მთავარი რედაქტორი, 1985 წლიდან - ამავე სტუდიის რეჟისორი, 1984-1994წწ. -გაერთიანება "პოზიციის" სამხატვრო ხელმძღვანელი; 1985-1995წწ.  საქართველოს კინემატოგრაფისტთა კავშირის გამგეობის მდივანი. მისი სცენარებით გადაღებულია დოკუმენტური ფილები: "მჭედელი" (ვ. მიქელაძე, 1974), "კარის გასაღები" (ვ. მიქელაძე, 1975), "ბამი-ქართული ფინალი" (ვ. მიქელაძე, 1976), "ევგენი მიქელაძე" (ვ. მიქელაძე, 1979), "სახელი მატიანეში" (ზ. შანიძე, 1983). როგორც რეჟისორმა თავისივე სცენარით გადაიღო ფილმები: "ზაქარიას მინდორი" (1984), "ნოდარ დუმბაძე" (1986), "ბედისწერა" (1986), "მარადისობის მძევალი" (1989), "გზა შინისაკენ" (6 ფილმი, 1990-1994), "შევარდნაძის ხანის თეატრი" (1993). 1994-2005წწ. როგორც  რეჟისორი მონაწილეობდა ტელეკომპანიების: "აუდიენცია", "მე-9 არხი", "მზე" დოკუმენტური ფილმების პროექტებში. ფილოლოგიურ მეცნიერებათა კანდიდატი (1984).

სადისერტაციო თემა - "მამია ორახელაშვილის პუბლიცისტიკა".

წყარო: ქართული კონო, 1896-2011.- თბ., 2011.- გვ.76; sputnik-georgia.com; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.372

• საქართველოს კინემატოგრაფისტთა შემოქმედებითი კავშირი, წევრი

• 1999 - ღირსების ორდენი
  ქართული დოკუმენტური კინოხელოვნების განვითარებასა და პოპულარიზაციაში შეტანილი პირადი დიდი წვლილისა, ნაყოფიერი შემოქმედებითი და საზოგადოებრივი საქმიანობისათვის
• 1987 - საქართველოს სახელმწიფო პრემია
  ფილმისათვის "ნოდარ დუმბაძე"