ალიკა მესხია

დაბადების ადგილი: დაბა განთიადი, გაგრის რაიონი.

დაამთავრა სოხუმის ინდუსტრიული ტექნიკუმის სამშენებლო ფაკულტეტი 1965 წელს; ცხინვალის პედაგოგიური ინსტიტუტის ისტორიის ფაკულტეტი 1974 წელს.

1968-1971წწ. მუშაობდა საქართველოს მშენებლობის სამინისტროს სამშენებლო ტრესტ "ბიჭვინთმშენის" N5 სამშენებლო სამმართველოში სამუშაოთა მწარმოებლად; 1972-1974წწ. ტრესტ "კურორტმშენში" (ყოფილი "ბიჭვინთმშენი") სამრეწველო საწარმოთა კომბინატის დირექტორად; 1974-1980წწ. იყო გაგრის საქალაქო საბჭოს აღმასკომის ინსტრუქტორი, აფხაზეთის ასსრ საბინაო-კომუნალური მეურნეობის სამინისტროს გაგრის კომუნალურ საწარმოთა კომბინატის დირექტორი; 1980-1984წწ. საწარმოო გაერთიანება "აფხაზგაზის" მთავარი ინჟინერი; 1984-1992წწ. ხელმძღვანელობდა აფხაზეთის ასსრ საბინაო-კომუნალური მეურნეობის სამინისტროს გაგრის საბინაო სამმართველოს; დიდი წვლილი აქვს შეტანილი ქ. გაგრის კომუნალური და საბინაო მეურნეობის ინფრასტრუქტურის განვითარების საქმეში; ქ. გაგრის ზონის საკურორტო და კულტურულ-საგანმანათლებლო დანიშნულების ობიექტების მშენებლობაში; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.400