ალექსანდრე ბერაია

დაბადების ადგილი: ქ. სენაკში.

დაამთავრა სასოფლო სამეურნეო ინსტიტუტის აგრონომიული ფაკულტეტი.

მუშაობდა საქართველოს მიწათმოქმედების სამეცნიერო კვლევითი ინსტიტუტის სენაკის სამეცნიერო საწარმოო საცდელი სადგურის დირექტორად (1958-1990), დაარსებიდან გარდაცვალებამდე. სოიასა და სიმინდის რამდენიმე დარაიონებული ჯიშისა და ჰიბრიდის ავტორი, მის მიერ გამოყვანილი სოიას ჯიში "კოლხიდა-4" მიჩნეულია მაშინდელი საბჭოთა კავშირის მასშტაბით ერთერთ საუკეთესო ჯიშად და შეყვანილია სოფლის მეურნეობის ენციკლოპედიაში. მისი ხელმძღვანელობით და უშუალო მონაწილეობით არის გამოყვანილი კიდევ რამდენიმე სოიას ჯიში: "უნივერსალი-1", "მეგრული-2", "სენაკი" და სხვა. გამოქვეყნებული აქვს 123 სამეცნიერო ნაშრომი და სტატია საბჭოთა კავშირის მასშტაბით. იყო სოფლის მეურნეობის მეცნიერებათა კანდიდატი. "ВАК"-ის მიერ მინიჭებული ჰქონდა წამყვანი მეცნიერ მუშაკის ხარისხი. სელექციონერი.