სიმონ II გურიელი

გურიის მთავარი 1625, 1658 წლებში. მამია II გურიელის ძე. 1621 წელს ცოლად შერთო მანუჩარ I დადიანის ასული მარიამი. 1625 წელს სიმონმა მოკლა მამა და გახდა გურიის მთავარი. იმავე წელს სოფელ ლანჩხუთთან ბრძოლაში დაამარცხა ლევან II დადიანმა, დააბრმავა და მისი ცოლ-შვილი ოდიშს წაიყვანა. 1658 წელს იმერეთის მეფე ბაგრატ III-მ და დადიანმა სიმონი კვლავ მთავრის ტახტზე აიყვანეს და აშვილეს გურიელთა სახლისშვილი დემეტრე, რომელიც განაგებდა სამთავროს. სიმონ II გურიელი ბერად შედგა და იერუსალიმს გაემგზავრა, სადაც აქტიურად იბრძოდა ქართული ეკლესია-მონასტრების ინტერესების დასაცავად.

წყარო: ქართული საბჭოთა ენციკლოპედია: ტ.9.-თბ., 1985.-გვ.352