ოლგერდ მეტრეველი

დაბადების ადგილი: სოფელი სომიწო.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს.

1959-1963წწ. მუშაობდა საპროექტო ინსტიტუტ "საქსახპროექტში" ინჟინერ-კონსტრუქტორად; 1963-1967წწ. საქართველოს მშენებლობის სამინისტროს სამშენებლო გაერთიანება "მთავართბილმშენის" N7 სამშენებლო სამმართველოს სამუშაოთა მწარმოებლად; 1968-1976წწ. ამავე სამინისტროს N10 სამშენებლო ტრესტ "მაღლივმშენის" N1 სამშენებლო სამმართველოს სამუშაოთა მწარმოებლად და უფროს სამუშაოთა მწარმოებლად; 1976-1987წწ. ხელმძღვანელობდა საქართველოს სსრ ხე-ტყისა და ხის დამამუშავებელი მრეწველობის სამინისტროს სპეციალიზებულ სამშენებლო-სამონტაჟო სამმართველოს; 1987 წლიდან იყო საპროექტო, სამრეწველო-სამშენებლო გაერთიანება "საქტრანსგაზის" სამმართველოს მთავარ ინჟინერი; მონაწილეობდა საცხოვრებელი, საზოგადოებრივი და სამრეწველო დანიშნულების მნიშვნელოვანი ობიექტების მშენებლობაში ქ. თბილისის და საქართველოს რეგიონების ტერიტორიაზე; აქტიურად იყო ჩართული 1991 წლის მიწისძვრით დაზარალებული სოფლების აღდგენაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.402