რევაზ მექვაბიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1957 წელს.

1953-1958წწ. მუშაობდა საპროექტო ინსტიტუტ "საქენერგოპროექტის" ტექნიკოსად; 1958-1962წწ. სამშენებლო-სარემონტო ტრესტ "კავკასელექტროქსელმშენის" სამუშაოთა მწარმოებლად; 1962-1966წწ. იყო ამავე ტრესტის N7 სამშენებლო-სამონტაჟო სამმართველოს მთავარი ინჟინერი; 1966-1968წწ. N64 მექანიკური სამმართველოს უფროსი; 1968-1995წწ. იყო ტრესტ "საქსოფელექტრომშენის" მოძრავ-მექანიზებული კოლონის მთავარი ინჟინერი და ამავე ტრესტის მმართველი; 1995 წლიდან სს "ანძის" (ყოფილი ტრესტი "საქსოფელექტრომშენი") გენერალური დირექტორი; დიდი წვლილი აქვს შეტანილი საქართველოს სოფლების ელექტრიფიცირებაში, სოფლის ქვესადგურებისა და მკვებავი ელექტროგადამცემი ხაზების აშენება-აღდგენაში, სოფლის საავადმყოფოების, სკოლების, სამეურნეო ობიექტების - ჩაის ფაბრიკების, ღვინის ქარხნებისა და სხვა სასოფლო-სამეურნეო დანიშნულების ობიექტების ელექტროკვებით უზრუნველყოფაში; იყო ჩაის პლანტაციებში ჩაის საკრეფი მანქანებისთვის ელექტროენერგიის სტაბილური მიწოდების ინიციატორი სპეციალიზებული გადასატანი ბოძების დამონტაჟებით; დაჯილდოებული იყო მედლებით და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.403

• შრომის წითელი დროშის ორდენი
• საქართველოს დამსახურებული ინჟინერი