
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ნოდარ მეძმარიაშვილი

Date of birth:	13 March, 1929
Date of death:	25 April, 2022 (at 93 years)
Category:	Public official, Engineer

Biography

დაბადების ადგილი: ქ. სამტრედია.

დაამთავრა საქართველოს პოლიტექნიკური ინსტიტუტი შახტმშენებლობის სპეციალობით 1951 წელს.

საქართველოს პოლიტექნიკური ინსტიტუტის დამთავრების შემდეგ დატოვეს კათედრაზე სამუშაოდ ასისტენტის თანამდებობაზე; კათედრაზე ხანმოკლე მუშაობის შემდეგ, მან შახტების მშენებლობაზე პრაქტიკული მოღვაწეობა ამჯობინა და უკრაინაში, დონბასში, ქ. სტალინოში წავიდა სამუშაოდ (ამჟამად ქ. დონეცკი); 1951 წელს დაიწყო შრომითი საქმიანობა დონბასში, შახტის მშენებლობაზე; საშახტო მშენებლობაზე მუშაობდა 1959 წლამდე; გაიარა შრომითი გზა სამთო ოსტატიდან შახტსამშენებლო ტრესტის მთავარი ინჟინრის თანამდებობამდე; უშუალოდ ხელმძღვანელობდა სამი მძლავრი შახტის საექსპლუატაციოდ ჩაბარებას; 1959 წელს გადაიყვანეს დონეცკის ოლქის სამოქალაქო მშენებლობის სფეროში; 1963 წელს დაინიშნა დონეცკის ოლქის სამშენებლო გაერთიანება "დონეცკჟილსტროის" მთავარ ინჟინრად; 1967 წელს დააწინაურეს საოლქო სამშენებლო გაერთიანების უფროსად; ხელმძღვანელობდა მთელი ოლქის საცხოვრებელი, სოციალურ-კულტურული და სამოქალაქო მშენებლობის სფეროს, 1973 წელს გადმოიყვანეს საქართველოში; 1973-1981წწ. მუშაობდა მშენებლობის მინისტრად; 1981-1982წწ. რესპუბლიკის სახელმწიფო საგეგმო კომიტეტის თავმჯდომარის პირველ მოადგილედ; 1973-1982წწ. ორგანიზებას უკეთებს და ხელმძღვანელობს რესპუბლიკის ინდუსტრიის არსებული სტრუქტურების განვითარებას და ახლის მშენებლობას; 1985 წელს დაინიშნა საქართველოს მინისტრთა საბჭოს მუდმივ წარმომადგენლად სსრკ მინისტრთა საბჭოსთან, მოსკოვში; ამ თანამდებობაზე მუშაობის დროს ის ხელს უწყობდა საქართველოს პრობლემების დადებითად გადაწყვეტას, პროპაგანდას უწევდა რესპუბლიკის სახალხო მეურნეობის, კულტურისა და მეცნიერების მიღწევებს; 1991 წელს ის დამოუკიდებელი საქართველოს რესპუბლიკის მთავრობის დადგენილებით დაინიშნა სსრკ მინისტრთა კაბინეტთან არსებული საქართველოს მთავრობის მუდმივ წარმომადგენლად; მუდმივი წარმომადგენლობა გარდაიქმნა საქართველოს საელჩოდ რუსეთში და ის დაინიშნა დამოუკიდებელი საქართველოს პირველ ელჩად რუსეთის ფედერაციაში; 1991-1994წწ. მუშაობდა საქართველოს მშენებლობისა და არქიტექტურის მინისტრის მოადგილედ; იყო საქართველოს პრეზიდენტის ოფიციალური მრჩეველი საზღვარგარეთის ინვესტიციების მოზიდვისა და მათი ათვისების საკითხებში; 1994 წლიდან მუშაობდა ქ. მოსკოვის მთავრობაში, მოსკოვისა და მოსკოვის ოლქის რეგიონის განვითარების სამინისტროში მინისტრის მოადგილედ; 1999 წელს სამუშაოდ გადავიდა ახლად ჩამოყალიბებულ რუსეთის სახალხო-სამხატვრო ფონდში გენერალური დირექტორის მოადგილედ; 2003 წელს დაინიშნა ფონდის გენერალურ დირექტორად, სადაც მუშაობდა 2012 წლამდე; დონეცკში მუშაობის პერიოდში არჩეული იყო სახალხო დეპუტატთა დონეცკის საქალაქო და საოლქო საბჭოების დეპუტატად; მის მოღვაწეობასთან არის დაკავშირებული დონბასსა და საქართველოში ჩოგბურთის კომპლექსური ახალი ბაზების შექმნა; პირველი დახურული კორტების მშენებლობა თბილისში, საბჭოთა კავშირის ჩოგბურთის ნაკრები გუნდის სავარჯიშო ბაზის შექმნა ქ. თელავში; 1979 წელს იყო ესპანეთის დევისის თასის გათამაშების მონაწილე, საბჭოთა კავშირის ჩოგბურთრის ნაკრების გუნდის უფროსი. მიღებული აქქვს სახელმწიფო ჯილდოები: საბჭოთა კავშირის მინისტრთა საბჭოს პრემია (1979), "მეშახტეთა ბრწყინვალების" ორდენი (I, II, II ხარისხი), უკრაინის მინისტრთა კაბინეტის "საპატიო ნიშნის" ორდენი, მეშახტის დიდების ორდენი (I, II, II ხარისხი), სსრ კავშირის ორდენი "მშენებლობაში დამსახურებისათვის".

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.408-409; საქართველოს ეროვნული მეცნიერებათა აკადემიის უწყებები: science.org.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.77; kartvelebi.ru

Member of Organizations

აფხაზეთის ასსრ უმაღლესი საბჭო, დეპუტატი
დონეცკის ოლქის ჩოგბურთის ფედერაცია, თავმჯდომარე
საქართველოს საინჟინრო აკადემია, შექმნის საინიციატივო ჯგუფის წევრი (1992-)
საქართველოს საინჟინრო აკადემია, პრეზიდიუმის წევრი
საქართველოს საინჟინრო აკადემია, აკადემიკოსი
საქართველოს სსრ უმაღლესი საბჭო, დეპუტატი
საქართველოს ჩოგბურთის ფედერაცია, თავმჯდომარე

Awards and Honors

1999 - ღირსების ორდენი
საქართველოში სამშენებლობო დარგის განვითარებაში შეტანილი პირადი დიდი წვლილის, ახალგაზრდა მშენებელთა კადრების მომზადებაში დიდი დამსახურებისა და ნაყოფიერი საზოგადოებრივი მოღვაწეობისათვის
1984 - საქართველოს სახელმწიფო პრემია
1981 - ხალხთა მეგობრობის ორდენი
საქართველოს დამსახურებული მშენებელი
საქართველოს დამსახურებული ინჟინერი
შრომის წითელი დროშის ორდენი