ალექსანდრე მიქაბერიძე

დაამთავრა თბილისის სახელმწიფო უნივერსიტეტის პოლიტექნიკური ფაკულტეტი 1927 წელს.

შრომითი საქმიანობა დაიწყო ამიერკავკასიის რკინიგზის სამმართველოში, სადაც 12 წლის განმავლობაში სხვადასხვა თანამდებობებზე მუშაობდა; 1938 წლიდან მუშაობდა ტრესტ "ხრამჰესმშენის" სისტემაში; ომის შემდგომ პერიოდში დაინიშნა "ხრამჰეს-თბილისის" ურთულესი ელექტროგადამცემი ხაზის მშენებლობის უფროსად; 1948 წელს სამშენებლო-სამონტაჟო ტრესტ "კავკასელექტროქსელმშენის" მმართველად; უშუალოდ ხელმძღვანელობდა ამიერკავკასიასა და ყოფილი სსრ კავშირის სამხრეთ და ცენტრალურ რეგიონებში მრავალი მაგისტრალური ელექტროგადამცემი ხაზისა და ქვესადგურის, ამიერკავკასიის რკინიგზის სურამის უღელტეხილის უბნის ელექტროგადამცემი ხაზის მშენებლობას; მნიშვნელოვანი წვლილი შეიტანა საქართველოს, აზერბაიჯანის, სომხეთისა და ჩრდილოეთ კავკასიის რესპუბლიკების ენერგეტიკის განვითარების საქმეში. მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.417; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.110

• საქართველოს დამსახურებული ინჟინერი
• საპატიო ნიშნის ორდენი
• შრომის წითელი დროშის ორდენი
• ლენინის ორდენი
• სსრკ სახელმწიფო პრემია