თენგიზ მიქავა

დაბადების ადგილი: ქ. ზუგდიდი.

დაამთავრა საქართველოს პოლიტექნიკური ინსტიტუტის ენერგეტიკისა (1978) და სამშენებლო (1985) ფაკულტეტები.

1978-1982წწ. მუშაობდა საქართველოს სასოფლო მშენებლობის სამინისტროს კაპიტალური მშენებლობის განყოფილებაში ინჟინრად; 1982-1983წწ. ამავე სამინისტროს N13 სამშენებლო ტრესტის მოძრავ-მექანიზებულ კოლონაში - სამუშაოთა მწარმოებლად; 1983-1990წწ. ტრესტ "საქაგრომშენკომპლექტში" - უფროს ინჟინრად, განყოფილების უფროსის მოადგილედ, განყოფილების უფროსად; 1990-1993წწ. იყო ტრესტ "მრეწვკომპლექტის" სამმართველოს უფროსი; 1993-1995წწ. შპს "ეკობიზნესის" დირექტორი; 1995-1996წწ. თბილისის საბარათო სააუქციონო რეგიონალური ცენტრის მენეჯერის მოადგილე; 1996 წლიდან სამშენებლო ფირმა შპს "თრკ"ის დირექტორი იყო; 2006 -2013წწ. სამშენებლო ფირმა "სათავეს" დირექტორის მოადგილე იყო; 2013 წლიდან საქართველოს თავდაცვის სამინისტროს საინჟინრო დეპარტამენტის მთავარი ინჟინერ-ენერგეტიკოსია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.418