როლანდ მიქაუტაძე

დაბადების ადგილი: სოფელი ზნაკვა, ამბროლაურის რაიონი.

დაამთავრა მოსკოვის ტრანსპორტის ინჟინერთა ინსტიტუტის სამშენებლო ფაკულტეტი 1958 წელს.

1959-1968წწ. მუშაობდა აფხაზეთში, საქართველოს მშენებლობის სამინისტროს N6 სამშენებლო ტრესტის N3 სამშენებლო სამმართველოში ოსტატად, სამუშაოთა მწარმოებლად, მთავარ ინჟინრად; 1968-1976წწ. მუშაობდა სოხუმის საქალაქო საბჭოს აღმასრულებელი კომიტეტის განყოფილების უფროსად, აღმასკომის თავმჯდომარის მოადგილედ; 1976 წელს დაინიშნა აფხაზეთის ავტონომიური რესპუბლიკის მშენებლობის საქმეთა სახელმწიფო კომიტეტის ("სახმშენის") თავმჯდომარედ; 1993-2005წწ. იყო აფხაზეთის ავტონომიური რესპუბლიკის ურბანიზაციისა და მშენებლობის მინისტრი; დევნილობის პერიოდში სამინისტრო მისი ხელმძღვანელობით წარმატებით აგრძელებდა საქმიანობას; დამუშავდა აფხაზეთში ომით მიყენებული ზარალის აღმოფხვრის რეგიონული და რაიონული პროგრამები; აღდგენით სამუშაოები ჩაუტარდა კოდორის ხეობაში არსებულ სკოლებს, საცხოვრებელ სახლებს; სოფელ აჟარაში აშენდა რაიონული საავადმყოფო და სხვა; არის მეცნიერული და საგაზეთო სტატიების ავტორი მშენებლობის დარგში; იყო ორი მოწვევის საკავშირო არქიტექტორთა ყრილობის დელეგატი; არაერთგზის იყო არჩეული სოხუმის საქალაქო საბჭოს დეპუტატად. 2004 წელს "წლის ინჟინრის" წოდება დაიმსახურა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.418-419;  წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.267

• საქართველოს არქიტექტორთა კავშირი, წევრი
• საქართველოს საინჟინრო აკადემია, წევრ-კორესპონდენტი

• 1998 - ღირსების ორდენი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს დამსახურებული ინჟინერი