ანზორ მიქაძე

დაბადების ადგილი: სოფელი ძველი სენაკი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს.

1958 წელს მუშაობდა სამშენებლო ტრესტ "ორენბურგყამირმშენის" სამშენებლო სამმართველოში სამუშაოთა მწარმოებლად, უფროს სამუშაოთა მწარმოებლად, სამმართველოს უფროსად; 1964 წლიდან მუშაობდა სამშენებლო-სამონტაჟო ტრესტ "საქჰიდროენერგომშენის" სისტემაში; სხვადასხვა დროს იყო "ენგურჰესის" მშენებლობის სამმართველოს "კაშხალმშენის" სამშენებლო სამმართველოს უბნის უფროსი, ვარდნილჰესების სამშენებლო სამმართველოსა და "ენგურჰესის" ბინათმშენებლობის სამმართველოს უფროსი; 1972 წლიდან იყო "ენგურჰესის" მშენებლობის სამმართველოს უფროსისა და ტრესტ "საქჰიდროენერგომშენის" მმართველის მოადგილე; 1995 წლიდან, ტრესტის რეორგანიზაციის შემდეგ, სს "საქჰიდროენერგომშენის" მთავარი სპეციალისტი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.420-421

• მედალი "შრომითი მამაცობისთვის"
• შრომის წითელი დროშის ორდენი
• საქართველოს საპატიო ენერგეტიკოსი
• საქართველოს დამსახურებული ინჟინერი