გურამ მიქაძე

დაბადების ადგილი: სოფელი ხიბლარი, სამტრედიის რაიონი.

დაამთავრა საქართველოს პოლიტექნიკური ინსტიტუტის საავტომობილო გზების ფაკულტეტი მიმოსვლის გზების მშენებლობის სპეციალობით 1963 წელს.

1963-1971წწ. მუშაობდა საქართველოს საავტომობილო გზების სამინისტროში ჯერ საკვლევ-საძიებო ბიუროს ინჟინრად, შემდეგ უფროსად; 1971-1978წწ. მანგლისის საგზაო უბნის მთავარი ინჟინერი იყო; 1978-1980წწ. მუშაობდა საავტომობილო გზების სამინისტროში სხვადასხვა თანამდებობაზე; 1980 წელს დაინიშნა ახალქალაქის საგზაო სამმართველოს უფროსად; 1990-1992წწ. N2 საგზაო სამმართველოს მთავარი ინჟინერი იყო; 1994 წელს გადაყვანილ იქნა ახალქალაქის საგზაო სამმართველოს უფროსად; მისი ხელმძღვანელობით საექსპლუატაციოდ გადაიცა მესხეთ-ჯავახეთის, თეთრიწყარო-მარნეულისა და მანგლისი-თბილისის რეგიონული ცენტრალური საავტომობილო გზები და ინფრასტრუქტურის მნიშვნელოვანი ნაწილი; მიღებული ჰქონდა არაერთი სახელმწიფო ჯილდო და საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.421

• შრომის ვეტერანის მედალი
• საქართველოს წარჩინებული მეგზევე