კონსტანტინე მიხაილოვი

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი, ინჟინერ-ტექნოლოგის კვალიფიკაციით 1938 წელს.

1938 წელს დაიწყო ამავე ინსტიტუტის სამშენებლო მასალების ტექნოლოგიების კათედრაზე ასისტენტად; ორი წლის შემდეგ გაწვეულ იქნა სამხედრო სამსახურში; 1941-1943წწ. მონაწილეობდა მეორე მსოფლიო ომში; 1944 წელს გადაიყვანეს ქ. მოსკოვში, სადაც მუშაობდა ბეტონის და რკინაბეტონის საკავშირო სამეცნიერო კვლევით ინსტიტუტში განყოფილების გამგედ; 1949 წლიდან იგი მოსკოვის სამშენებლო ინსტიტუტის პროფესორი იყო, 1965-1988წწ. ბეტონისა და რკინაბეტონის საკავშირო სამეცნიერო-კვლევითი ინსტიტუტის დირექტორი; ახალი სამშენებლო მასალების ტექნოლოგიების მეცნიერული დამუშავებისა და წარმოებაში პრაქტიკული დანერგვისათვის მიენიჭა საბჭოთა კავშირის სახელმწიფო პრემია; იყო წინასწარ დაძაბული რკინაბეტონის საერთაშორისო ფედერაციის წევრი და რუსეთის მეცნიერებათა აკადემიის სამშენებლო დარგის განყოფილების გამგე. მინიჭებული ჰქონდა ტექნიკურ მეცნიერებათა კანდიდატის, შემდგომ კი ტექნიკურ მეცნიერებათა დოქტორის ხარისხი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.424

• რუსეთის არქიტექტურისა და სამშენებლო მეცნიერებათა აკადემია , წევრი (1968-)

• ოქტომბრის რევოლუციის ორდენი
• ლენინის ორდენი
• ლენინის ორდენი
• რსფსრ-ს მეცნიერების დამსახურებული მოღვაწე