არჩილ მურმანიშვილი

დაბადების ადგილი: დაბა სურამი.

დაამთავრა საქართველოს ინდუსტრიული ინსტიტუტი 1930 წელს.

პრაქტიკული საქმიანობის ეტაპზე მუშაობდა დონეცკის აუზის სხვადასხვა შახტის, "რიონჰესის", "ხრამჰესის", "სოხუმჰესის" მშენებლობაზე და საქართველოს სხვადასხვა სამთამადნო საწარმოში; 1940-1943წწ. მუშაობდა ახალციხის შახტების სამშენებლოს მთავარ ინჟინრად; 1944-1949წწ. დონეცკის აუზის შახტების აღდგენაზე, შახტების მშენებლობის უფროსად; 1949-1955წწ. ტყვარჩელის შახტმშენებლობის ტრესტის მთავარ ინჟინრად; 1955 წლიდან იყო საქართველოს მშენებლობის სამინისტროს N7 სამშენებლო ტრესტ "საქშახტმშენის" მთავარი ინჟინერი; ხელმძღვანელობდა ტყვარჩელის, ტყიბულისა და ახალციხის მრავალი შახტისა და ქალაქების სამოქალაქო და საზოგადოებრივი დანიშნულების ობიექტების მშენებლობას, დონეცკის აუზის შახტების აღდგენას; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.433-434

• საქართველოს დამსახურებული ინჟინერი