ბიძინა მურღულია

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის ჰიდროტექნიკურ ნაგებობათა მშენებლობის ფაკულტეტი 1950 წელს.

1950 წლიდან მუშაობდა საპროექტო ინსტიტუტ "სოფლელექტროპროექტის" ინჟინერ-დამპროექტებლად; 1952-1956წწ. იყო საქართველოს კომპარტიის თბილისის საქალაქო კომიტეტის ინსტრუქტორი, სამრეწველო-სატრანსპორტო განყოფილების უფროსის მოადგილე; 1956-1970წწ. თბილისის საქალაქო საბჭოს აღმასკომის სპეციალიზებული ინსპექციისა და კეთილმოწყობის სამმართველოს უფროსი; 1970-1973წწ. თბილისის საქალაქო საბჭოს აღმასკომის სამშენებლო-სამონტაჟო ტრესტ "ინჟმშენის" მმართველის მოადგილე; 1973-1977წწ. თბილისის საქალაქო საბჭოს აღმასკომის საგეგმო კომისიის თავმჯდომარის პირველი მოადგილე; 1977-1979წწ. იყო სამშენებლო გაერთიანება "თბილქალაქმშენის" უფროსის მოადგილე ეკონომიკის დარგში; 1979-1987წწ. თბილისის საქალაქო საბჭოს აღმასკომის საინფორმაციო-განმკარგულებელი განყოფილების გამგე და მართვის უფროსი; 1987-1989წწ. იყო საქართველოს მშენებლობის საქმეთა სახელმწიფო კომიტეტის მთავარი ინჟინერი; 1989 წლიდან ხელმძღვანელობდა სახელმწიფო არასაუწყებო ექსპერტიზის სამმართველოს, ხოლო საექსპერტო ორგანოების რეორგანიზების მერე, საქართველოს ურბანიზაციისა და მშენებლობის სამინისტროსთან არსებულ მშენებლობის სახელმწიფო ექსპერტიზის მთავარ სამმართველოს; წლების განმავლობაში ხელმძღვანელობდა დედაქალაქის კეთილმოწყობის გაუმჯობესებას, საქალაქო მეურნეობის მატერიალურ-ტექნიკური ბაზის შექმნას და განვითარებას, საქართველოს თანამედროვე საექსპერტო ორგანოების ჩამოყალიბებას; არის მეორე მსოფლიო ომის (1941-1945) მონაწილე, მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.434; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.230

• 2000 - ღირსების ორდენი