პაატა იაკაშვილი

დაამთავრა შოთა რუსთაველის სახელობის თეატრალური ინსტიტუტის კინოფაკულტეტის კინომცოდნეობის განყოფილება 1977 წელს.

1977-1982წწ. ხელმძღვანელობდა თეატრალური ინსტიტუტის სასწავლო კინოსტუდიასთან მისვე შექმნილ კინოს საინფორმაციო-მეთოდურ კაბინეტს და ფილმოთეკას. დააფუძნა სტუდენტური და ახალგაზრდული ფილმების ფესტივალი "ამირანი", 1978-1986წწ.  იყო მისი გენერალური დირექტორი. 1982 წლიდან ეწევა სამეცნიერო მოღვაწეობას შოთა რუსთაველის სახელობის თეატრისა და კინოს უნივერსიტეტში. 2006 წლიდან უნივერსიტეტის კინოს მუზეუმის გამგეა. მისი წერილები და სამეცნიერო ნაშრომები გამოქნვეყნებულია პერიოდულ და სამეცნიერო გამოცემებში. გადაღებულია ფილმებში: "მირი" (ვ. კოტეტიშვილი, 1979) და "მოდი ვილაპარკოთ" (რ. გიორგობიანი, 1986). კინომცოდნე, ხელოვნებათმცოდნეობის დოქტორი.

წყარო: ქართული კონო, 1896-2011.- თბ., 2011.- გვ. 96; ეროვნული ფილმოგრაფიის პორტალი: geocinema.ge; facebook.com

• საქართველოს კინემატოგრაფისტთა შემოქმედებითი კავშირი