დავით ღვალაძე

დაბადების ადგილი: სოფელი სვერი (ახლანდელი ჭიათურის მუნიციპალიტეტი).

დავით ღვალაძე 1795-1810 წლებში იყო სვერის ციხის უკანასკნელი ნაცვალი (გარნიზონის უფროსის თანაშემწე). ცარისტული რუსეთის მიერ იმერეთის სამეფოს გაუქმების და იმერეთის ანტიცარისტული ამბოხების (რომლის აქტიური მონაწილე იყო) ჩახშობის შემდეგ, 1811 წელს, იგი აღიკვეცა და 1814 წლამდე მსახურობდა სვერის იოანე ნათლისმცემლის ეკლესიაში, რომელიც 1800 წელს მისი თაოსნობით იქნა აგებული. 1814-1834 წლებში იყო სოფელ სკინდორის (ჭიათურის მუნიციპალიტეტი) წმინდა გიორგის სახელობის ეკლესიის წინამძღვარი. 1853 წელს გაამწესეს სოფელ მორძგვეთის (ჭიათურის მუნიციპალიტეტი) წმინდა გიორგის სახელობის ეკლესიის წინამძღვრად, სადაც გარდაცვალებამდე  მსახურობდა. კეთილმოწესე დეკანოზი.