იუზა ღვალაძე

დაბადების ადგილი: ქ. ჭიათურა.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1953 წელს.

1953-1957 წლებში მუშაობდა უკრაინის ერთ-ერთ სამეცნიერო-კვლევით ინსტიტუტში. 1957 წლიდან მოღვაწეობდა სოხუმის ფიზიკისა და ტექნიკის ინსტიტუტში, 1994 წლიდან ინსტიტუტი გადმოტანილ იქნა თბილისში. იყო ინსტიტუტის ჯერ უმცროსი, შემდეგ კი უფროსი და მთავარი მეცნიერ-თანამშრომელი. 1972 წელს ხარკოვის სახელმწიფო უნივერსიტეტში დაიცვა საკანდიდატო, ხოლო 1993 წელს თბილისის სახელმწიფო უნივერსიტეტში - სადოქტორო დისერტაციები. მოღვაწეობდა პლაზმური ფიზიკის დარგში. გამოაქვეყნებული აქვს 50-მდე სამეცნიერო ნაშრომი, მათ შორის მონოგრაფია. იყო არაერთი საერთაშორისო სამეცნიერო ფორუმის მონაწილე (ინგლისი - 1965, იტალია - 1975 და სხვ.). ფიზიკა-მათემატიკის მეცნიერებათა დოქტორი (1993). მიღებული აქვს საქართველოს მეცნიერებთა აკადემიის პრემია წლის საუკეთესო სამეცნიერო ნაშრომისათვის.

წყარო: ვიკიპედია - თავისუფალი ენციკლოპედია: ka.wikipedia.org