ლატავრა ღვალაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი 1952 წელს.

1952-1955წწ. იყო ენათმეცნიერების ინსტიტუტის ასპირანტი, 1955-1961წწ. ამავე ინსტიტუტის ლექსიკოგრაფიის განყოფილების მეცნიერ-თანამშრომელი. 1961-2006წწ. აღმოსავლეთმცოდნეობის ინსტიტუტის  სემიტოლოგიის განყოფილების ჯერ უფროსი, შემდეგ კი წამყვანი მეცნიერ თანამშრომელი. 1962-1966წწ. პარალელურად მოღვაწეობდა საქართველოს მეცნიერებათა აკადემიის "ვეფხისტყაოსნის"აკადემიური ტექსტის დამდგენ კომისიაში. ლატავრა ღვალაძე არის 30 გამოქვეყნებული სამეცნიერო შრომის, მათ შორის ერთი მონოგრაფიის ავტორი. მისი შრომები ეძღვნება ძველი მწერლობის ძეგლების "წარტყუვნაი იერუსალიმისაის", "გრიგოლ განმანათლებლის ცხოვრების", "წმინდა ბაბილას წამების" სხვადასხვა ასპექტებს. მისი მონოგრაფია "ბაბილას წამების" ბერძნული, ქართული, სირიული და არაბული ვერსიები" (1992) გამოცემულია სრულიად საქართველოს კათოლიკოს-პატრიარქის, უწმიდესის და უნეტარესის ილია II-ის ლოცვა-კურთხევით. 

წყარო: თბილისის სახელმწიფო უნივერსიტეტის ვებგვერდი: tsu.ge

• საქართველოს აღმოსავლეთმცოდნეთა საზოგადოება, წევრი
• ევრომეცნიერების საზოგადოება(საფრანგეთი), წევრი

• ფიურერი და მისი მეგობარი - მე (რედაქტორი). - თბილისი, საარი, 2013. - 172გვ.