თეიმურაზ მშველიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1971 წელს.

1971-2006წწ. მუშაობდა საპროექტო ინსტიტუტ "საქქალაქმშენსახპროექტში" ინჟინერ-კონსტრუქტორად, წამყვან სპეციალისტად, ჯგუფის ხელმძრვანელად, პროექტის მთავარ სპეციალისტად, სახელოსნოს მთავარ ინჟინრად და სახელოსნოს ხელმძღვანელად; საპროექტო-სამშენებლო ორგანიზაცია შპს "სეიტონის" დირექტორია; როგორც კონსტრუქტორსა და მთავარ კონსტრუქტორს, თავისი პროფესიული საქმიანობის მანძილზე, მონაწილეობა აქვს მიღებული მრავალი მნიშვნელოვანი ობიექტის პროექტირებაში მთელი საქართველოს მასშტაბით; ბოლო წლების ნამუშევრებია: სასაზღვრო გამშვები კომპლექსი წითელ ხიდთან და ლარსის გამშვები პუნქტი, სპორტულ-გამაჯანსაღებელი კომპლექსი ყვარლის ტბაზე, ძველი სახლების განახლება ქ. თელავში, ბიბლიოთეკის შენობა თბილისში ვაკის პარკის მიმდებარე ტერიტორიაზე, სატრაქტორო მეურნეობები და მათი ადმინისტრაციული ნაგებობების კომპლექსები საქართველოს ყველა რეგიონში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.439