ბიძინა მჭედლიძე

დაბადების ადგილი: ქ. ხონი.

დაამთავრა ლენინგრადის ავტოსაგზაო ინსტიტუტი 1934 წელს.

1924-1929წწ. მუშაობდა მათემატიკის მასწავლებლად ქ. ხონის საშუალო სკოლაში; 1934 წელს დაიწყო მუშაობა აგრო-სამრეწველო ტრესტში "ქართული ჩაი" საგზაო-სამელიორაციო სექტორის ინსპექტორად; 1935-1938წწ. ხელმძღვანელობდა აფხაზეთის ასსრ მინისტრთა საბჭოს გზატკეცილების განყოფილებას; 1938-1941წწ. საქართველოს სსრ სამხედრო გზის რეკონსტრუქციას; 1942 წელს გადაიყვანეს სამთო მომპოვებელ ტრესტ "ტყვარჩელქვანახშირში" მთავარი ინჟინრის მოადგილედ; 1950 წლიდან მუშაობდა გუდაუთაში სხვადასხვა სამშენებლო ობიექტების ხელმძღვანელად; მისი მონაწილეობით არის დაპროექტებული და აშენებული, საბჭოთა კავშირის მასშტაბით, ერთ-ერთი უნიკალური საავტომობილო ხიდი მდ. გუმისთაზე, რომელიც შესულია სპეციალურ სახელმძღვანელო ტექნიკურ ლიტერატურაში, როგორც გამორჩეული საინჟინრო ნაგებობა; დაჯილდოებული იყო საქართველოს სსრ და აფხაზეთის ასსრ სახელმწიფო უმაღლესი ჯილდოებით და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.443