ოთარ მხეიძე

დაბადების ადგილი: სოფელი კრიხი, ამბროლაურის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი 1950 წელს.

1956-1958წწ. მონაწილეობდა ავღანეთში სალანგის უღელტეხილზე საავტომობილო გზის დაპროექტებასა და მშენებლობაზე; 1959-1965წწ. ყირგიზეთში ხელმძღვანელობდა "ფრუნზე-ოშის" საავტომობილო გზის მშენებლობას; 1969-1971წწ. მუშაობდა კუბაში ცენტრალური ნაციონალური ავტომაგისტრალის დაპროექტებასა და მშენებლობაზე, სპეციალისტთა ჯგუფის უფროსის მოადგილედ; 1973-1977წწ. იყო საპროექტო ინსტიტუტ "თბილსახგზაპროექტის" დირექტორი; 1977 წლიდან საქართველოს საავტომობილო გზების მინისტრის მოადგილე; მისი უშუალო მონაწილეობითა და ინიციატივით მიღებულია რიგი ეფექტური და ორიგინალური გადაწყვეტილებები, რთულ პირობებში საავტომობილო გზების, როგორც საინჟინრო ნაგებობების განთავსებაში; მას ეკუთვნის "ზაჰესის" რაიონში მდ. მტკვრის გასწვრივ და ქ. გაგრის შემოსასვლელი გზების განლაგების უკვე განხორციელებული მშენებლობის წინადადებები; დაჯილდოებულია რიგი სამთავრობო მედლებითა და საქართველოს უმაღლესი საბჭოს პრეზიდიუმის საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.444; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.264; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.127

• 2000 - ღირსების ორდენი
• 1997 - ღირსების მედალი
• საპატიო ნიშნის ორდენი
• ოქტომბრის რევოლუციის ორდენი
• საპატიო მეგზევე
• საქართველოს დამსახურებული ინჟინერი