გია ნადირაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1965 წელს.

1965 წლიდან მუშაობდა სხვადასხვა საპროექტო ორგანიზაციებში, დაწყებული არქიტექტორის თანამდებობიდან დამთავრებული საპროექტო ორგანიზაციის დირექტორობამდე; არის მაღალი რეალიზირებული პროექტის შენობის ავტორი თბილისში, ბათუმში, კისლოვოდსკში, ესენტუკში და სოჭში; ასევე, საცხოვრებელი სახლები: ჩიტაძის N11, საირმის გორაზე, მეტეხის პლატოზე, შავთელის და ჩახრუხაძის ქ-ის განაშენიანება, სასტუმრო ვერცხლის ქ. 39 (ქ. თბილისში), სასტუმროები მცხეთაში, კვარიათში, მრავალბინიანი საცხოვრებელი სახლები კლდიაშვილის 26 და ნუროლის საცხოვრებელი სახლი (ქ. ბათუმში), საბაგირო გზა სოჭში, რესტორნები ესენტუკში და კისლოვოდსკში; არის მრავალი საერთაშორისო და რესპუბლიკური კონკურსების მონაწილე და გამარჯვებული; 1994 წლიდან მრავალი გამარჯვებული სტუდენტის საკურსო, სადიპლომო ნაშრომის და საერთაშორისო კონკურსებში მონაწილეობის ხელმძღვანელი იყო; საქართველოს ტექნიკური უნივერსიტეტის პროფესორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.447-448

• საქართველოს არქიტექტორთა კავშირი, წევრი (1967-)
• საქართველოს დიზაინერთა კავშირი, წევრი (1989-)
• საქართველოს მხატვართა კავშირი, წევრი (1978-)

• რესპუბლიკის დამსახურებული არქიტექტორი