შოთა ნათენაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი გზების, ხიდებისა და აეროპორტების სპეციალობით 1958 წელს.

1963 წელს დაიწყო შრომითი საქმიანობა; მუშაობდა საპროექტო ინსტიტუტ "ჰიდროპროექტის", "ენგურჰესის" მშენებლობის საპროექტო განყოფილებაში ინჟინრად, თბილისის საქალაქო საბჭოს აღმასკომის კეთილმოწყობის სამმართველოს ასფალტ-ბეტონის ქარხანაში საამქროს უფროსად, თბილისის აეროპორტის გზის მშენებლობაზე სამუშაოთა მწარმოებლად; 1980 წლიდან იყო სამშენებლო გაერთიანება "სოფლმშენის" N13 საგზაო ტრესტის  მოძრავ-მექანიზებული რაზმის უფროსი, რომელიც ძირითადად ემსახურებოდა მესხეთ-ჯავახეთის ზონის სოფლებისა და დაბების ობიექტების მშენებლობას; ასევე იყო ამავე ტრესტის N20 რაზმის მთავარი ინჟინერი; 1983 წლიდან მუშაობდა თბილისის საქალაქო საბჭოს აღმასკომის კეთილმოწყობის სისტემაში: დიდუბის რაიონის საგზაო უბნის მთავარ ინჟინრად, ხელმძღვანელობდა ორჯონიკიძისა და საბურთალოს რაიონების საგზაო უბნებს; შპს "საგზაო საბურთალოს" უფროსია; მიღებული აქვს რესპუბლიკური ორგანოებისა და ქ. თბილისის საქალაქო საბჭოს აღმასკომის ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.448

• ჩოხოსანთა საზოგადოება, წევრი