თამაზ ნათიძე

დაბადების ადგილი: ქ. თბილისი.

დაამთავრა თბილისის სამხატვრო აკადემიის არქიტექტურის ფაკულტეტი 1958 წელს. 

1958 წელს მუშაობა დაიწყო საპროექტო ინსტიტუტ "საქქალაქმშენსახპროექტში"; 1961 წლიდან სამუშაოდ გადადის მოსკოვის ცენტრალურ სამეცნიერო კვლევით, ტიპური და ექსპერიმენტული პროექტირების ინსტიტუტში უფროსი არქიტექტორის თანამდებობაზე; 1964 წლიდან მუშაობდა თბილისის ზონალურ სამეცნიერო-კვლევით, ტიპური და ექსპერიმენტული პროექტირების ინსტიტუტში არქიტექტორთა ჯგუფის უფროსად, ხოლო შემდეგ განყოფილების გამგედ; 1978 წელს დაინიშნა საქართველოს სსრ მინისტრთა საბჭოსთან არსებული საქართველოს ისტორიისა და ძეგლთა დაცვის მთავარ სამეცნიერო-საწარმოო სამმართველოში, სამმართველოს უფროსად; 1988 წლიდან დაინიშნა მთავარი სამმართველოს უფროსის მოადგილედ, სადაც მუშაობდა 2005 წლამდე; 1959 წლიდან შეთავსებით ეწეოდა პედაგოგიურ მოღვაწეობას, ჯერ თოიძის სახელობის სამხატვრო სასწავლებელში, 1968 წლიდან თბილისის სახელმწიფო სამხატვრო აკადემიის არქიტექტურის ფაკულტეტზე; მუშაობდა უფროსი მასწავლებლის, ხოლო 2001 წლიდან პროფესორის თანამდებობაზე; მის მიერ დამუშავებულია ლექციების ციკლი დისციპლინებში: "არქიტექტურული კომპოზიციის საფუძვლები", "საქართველოს არქიტექტურის ისტორია", "არქიტექტურული მეცნიერება და კრიტიკა", "ახალი ტიპის სკოლებისა და სკოლის გარეშე დაწესებულებების კომპლექსი" (არქიტექტორებთან: გ. სოსანიძე, ი. ბერიანიძე); ამ ტიპის სასწავლო დაწესებულებების კომპლექსი პირველად დაპროექტდა საბჭოთა კავშირის მასშტაბით; 1988 წელს არჩეულ იქნა "ძეგლებისა და ღირსშესანიშნავი ადგილების საერთაშორისო საბჭოს" (იკომოსი) წევრ-კორესპონდენტად; 1988 წლიდან არჩეულია იყალთოს საპატიო მოქალაქედ; 1998 წელს არჩეულ იქნა საქართველოს იკომოსის კომიტეტის წევრად; 2006 წელს საქართველოს ჰუმანიტარულ და სახელოვნებო მეცნიერებათა აკადემიის ნამდვილ წევრად - აკადემიკოსად.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.449

• საქართველოს არქიტექტორთა კავშირი, წევრი (1965-)

• 2007 - საქართველოს დამსახურებული არქიტექტორი
• 1997 - ღირსების ორდენი