ნიაზ ნანავა

დაბადების ადგილი: სოფელი ძველი აბასთუმანი, ზუგდიდის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1975 წელს.

1968-1972წწ. ეწეოდა შრომით საქმიანობას ჯერ მუშად, ხოლო შემდგომ სამუშაოთა მწარმოებლად; 1972 წელს მუშაობას იწყებს საქართველოს მშენებლობის სამინისტროს N10 სამშენებლო ტრესტის სამშენებლო სამმართველოში სამუშაოთა მწარმოებლად, უბნის უფროსად; 1975-1992წწ. სამმართველოს მთავარი ინჟინერი იყო; მონაწილეობა აქვს მიღებული ისეთი ობიექტების მშენებლობაში, როგორებიცაა ფოთის გემთშემკეთებელი ქარხნის რეკონსტრუქცია, ფოთისწისქვილკომბინატის, მრავალსართულებიანი საცხოვრებელი სახლების, მალთაყვის საწყალოსნო-სათხილამურო კომპლექსის, ჩაის გადამამუშავებელი კომბინატის, ილია მართლის სახელობის ნაბადის ეკლესიის და სხვა; 1992-1998წწ. მუშაობდა სამშენებლო კომპანია "სათნოს" მთავარ ინჟინრად; 1998 წლიდან დირექტორის მოადგილედ მშენებლობის დარგში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.450

• საქართველოს მშენებელთა კავშირი, წევრი (1999-)