რამაზ ნარმანია

დაბადების ადგილი: ქ. ტყვარჩელი, აფხაზეთის ავტონომიური რესპუბლიკა.

დაამთავრა ქ. როსტოვის საინჟინრო-სამშენებლო ინსტიტუტის ხიდების, გზების და გვირაბების მშენებლობის ფაკულტეტი, ინჟინერ-მშენებლის კვალიფიკაციით 1978 წელს.

1978 წლიდან მუშაობდა ქ. სოხუმში, საქართველოს მშენებლობის სამინისტროს N6 სამშენებლო ტრესტში სამუშაოთა მწარმოებლად, უბნის უფროსად სხვადასხვა ობიექტების მშენებლობაზე; მათ შორის განსაკუთრებით აღსანიშნავია აფხაზეთის ავტონომიური რესპუბლიკის სახელმწიფო უნივერსიტეტის კომპლექსის მშენებლობა; ასევე მუშაობდა ამავე ტრესტის N3 სამშენებლო სამმართველოში ისეთი მნიშვნელოვანიობიექტების მშენებლობაზე, როგორებიც იყო საცხოვრებელი სახლები, ადმინისტრაციული და სამრეწველო დანიშნულების შენობა-ნაგებობები, საგზაო და სარკინიგზო მაგისტრალების შესაბამისი მონაკვეთების აღდგენა-რეკონსტრუქცია და სხვა; 1991-1992წწ. მუშაობდა სს "ალაზნის" გენერალურ დირექტორად; 1992-1993წწ. იყო ქ. სოხუმის გარნიზონის საინჟინრო-სამშენებლო სამსახურის უფროსი; 1995 წლიდან მუშაობდა მოსკოვის "მთავარმეტრომშენის" სისტემაში სხვადასხვა საპასუხისმგებლო თანამდებობებზე; არის N13 სამშენებლო უბნის უფოროსი; წარმატებული შრომითი საქმიანობისთვის არაერთხელ დაიმსახურა მოსკოვის მერიისა და მთავარი სამმართველოს ადმინისტრაციის საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.451