გიორგი კაჭარავა

დაამთავრა შოთა რუსთაველის სახელობის თეატრალური ინსტიტუტის კინოხელოვნების ფაკულტეტი 1985 წელს.

1976-1991წწ. მუშაობდა კინოსტუდია "ქართულ ფილმში" რეჟისორის ასისტენტად. 1992 წლიდან დავით გიორგაძესთან ერთად დააფუძნა TV-CINEMA "ARIES". 1998–2002 წლებში მუშაობდა საქართველოს ტელევიზიის პირველ არხზე, როგორც რეჟისორი და ავტორი პოლიტიკური ტელესერიალისა "დიდების ზღაპარი". ავტორია რომანების: "განკითხვის დღე" და "პილატე და კაიაფა", წიგნების: "ვინ არის იესო ქრისტე", "ბიბლიურ წინასწარმეტყველებათა აღსრულება". 2007 წლის აპრილის თვეში რიო დე ჟანეიროში (ბრაზილია) დააფუძნა საკუთარი კინოსტუდია "LILAYMA". გენერალური დირექტორი სტუდიების: "სინემაგია" და "გი ემ სინემა". თავისივე სცენარით გადაიღო ფილმები: "ბლუზი" (1994), "დონ ჟუანის დაბადება" (1995), "მაიტა ნასოსი" (ს. ჯაჭვლიანთან ერთად, 2010). მისი მონწილეობით შეიქმნა სცენარი ფილმისთვის "იასამანი" (ი. ჩაჩანიძე, დასრულებულია) და "ორმაგი სახე" (ლ. ანჯაფარიძე, 1997).,

წყარო: ქართული კონო, 1896-2011.- თბ., 2011.- გვ. 106; ეროვნული ფილმოგრაფია: geocinema.ge; kvira.ge

• ბრაზილიის კინოაკადემია, წევრი
• საქართველოს კინოაკადემია, წევრი