შალვა ნარსია

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1931 წელს.

1931-1942წწ. მუშაობდა საპროექტო ინსტიტუტ "ჰიდროენერგოპროექტისა" და "ტყვარჩელსრესში" უფროს ინჟინრად, ჯგუფის ხელმძღვანელად, სამუშაოთა მწარმოებლად; 1942-1944წწ. სამშენებლო ტრესტ "საქჰიდროენერგომშენის" "ბაქსანჰესის" მშენებლობის უბნის უფროსად; 1944-1975წწ.  მაღალი ძაბვის ქსელების სამშენებლო-სამონტაჟო სამმართველოში საწარმოო-ტექნიკური განყოფილების უფროსად, ამავრ სამმართველოს მთავარ ინჟინრად; მონაწილეობდა ტყვარჩელის სახელმწიფო რაიონული ელექტროსადგურის კომპლექსის, საქართველოს მაღალი ძაბვის გადამცემი ხაზებისა და ქვესადგურების მშენებლობაში; 1945 წელს მიავლინეს გერმანიაში, "ენერგომონტაჟის" სამმართველოში სპეცდანიშნულების სამუშაოების შესასრულებლად; იყო "ენერგეტიკისა და ელექტრიფიკაციის ფრიადოსანი"; დაჯილდოებული იყო მედლებითა და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.451

• საქართველოს დამსახურებული ინჟინერი