გიო ხუციშვილი

დაბადების ადგილი: ქ. თბილისი.

დაამთავრა შოთა რუსთაველის სახელობის თეატრალური ინსტიტუტის კინოფაკულტეტი (გ. ჟვანიას სახელოსნო) 1984 წელს.

მუშაობდა ქართული დოკუმენტური სატელევიზიო პოპულარული ფილმების სტუდია (ქდსპფ) "მემატიანეში". გადაიღო კინონოველა "სინანული" (1984), დოკუმენტური ფილმები "აქ ყველაფერი წარსულს მაგონებს", "საუკუნეებს გაუძლებს, მაგრამ..." (1985), "დედმამიშვილობა" (1986), "იყო ასეთი ჭაბუკი" (მ. გაგუასთან ერთად, 1988), "არჩევნები" (1988), "თანამოაზრენი" (გ. ბალიაშვილთან ერთად, 1988) და სხვ. როგორც მსახიობი მონაწილეობდა ფილმებში: "სიყვარული ყველას უნდა" (გ. შენგელაია, მ. ჭიაურელი, 1980), "მომეხმარეთ იალბუზზე ასვლაში" (ნ. ჯორჯაძე, 1981), "სანამ წვიმა გადაივლიდეს" (ქ. დოლიძე, 1984), "საფეხური" (ა. რეხვიაშვილი, 1986), "ჩვენი ჯერია ბიჭებო!" (ბ. წულაძე, 1986, თენგო მაისურაძე), "ავტორიტეტი" (ე. ბადურაშვილი, 1987), "ძაღლის ალღო" (გ. დადიანი, 1989), "ცოდვის დღესასწაული" (ე. ბადურაშვილი, 1990), "ვეფხისტყაოსანი" ანუ კავკასიური მარყუჟი" (თ. ჩიხლაძე, 2005). ქართული ღვინის კომპანია "თელიანი ველის" ერთ-ერთი დამფუძნებელი; საქართველოს თავდაცვის სამინისტრო, ადმინისტრაციის საზოგადოებრივ საქმეთა დეპარტამენტის საზოგადოებასთან ურთიერთობის სამმართველოს უფროსი; სპორტის სასახლის დირექტორი. 2018 წლის 29 მაისს  ქართული სიმღერის პოპულარიზაციაში შეტანილი წვლილისთვის თბილისის სახელმწიფო ფილარმონიის წინ  მისი სახელობის ვარსკვლავი გაიხსნა.

წყარო: ქართული კინო, 1896-2011.- თბ., 2011.- გვ. 225