გიორგი ნასიძე

დაბადების ადგილი: დაბა შორაპანი, ზესტაფონის რაიონი.

დაამთავრა საქართველოს  პოლიტექნიკური ინსტიტუტი 1932 წელს; ქ. მოსკოვის ტიმირიაზოვის სახელობის სოფლის მეურნეობით აკადემიის ასპირანტურა.

1933 წელს დაიწყო შრომითი საქმიანობა ქ. მოსკოვის მეტროპოლიტენის მშენებლობაზე; 1941-1952წწ. ხელმძღვანელობდა გვირაბებისა და ხიდების მშენებლობას (სოჭსა და სოხუმში); 1952 წელს დაინიშნა თბილისის მეტროპოლიტენის მშენებლობის სამმართველოს უფროსად (შემდეგ სამშენებლო გაერთიანება "თბილგვირაბმშენი"); 1952-1957წწ. ხელმძღვანელობდა თბილისის მეტროპოლიტენის მშენებლობაზე "თბილგვირაბმშენის" მიერ შესრულებულ დიდი მოცულობის მოსამზადებელ და ძირითად სამუშაოებს, ახალგაზრდა სპეციალისტთა ბაზაზე მეტრროპოლიტენის მაღალკვალიფიციური კოლექტივის შექმნას; 1957-1959წწ. სათავეში ედგა საქართველოს მშენებლობის სამინისტროს სამშენებლო ტრესტს; 1959-1961წწ. ხელმძღვანელობდა საქართველოს სახალხო მეურნეობის სხვადასხვა საპასუხისმგებლო უბნებს; 1962-1965წწ. მუშაობდა რუსთავის მეტალურგიულ ქარხანაში დირექტორის მოადგილედ კაპიტალური მშენებლობის დარგში; იყო აფხაზეთის ასსრ უმაღლესი და თბილისის საქალაქო საბჭოების დეპუტატი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.452

• შრომის წითელი დროშის ორდენი