მურმან ნაყოფია

დაბადების ადგილი: ქ. გალი.

დაამთავრა მოსკოვის ვ. კუიბიშევის სახელობის საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი 1954 წელს.

1954-1956წწ. მუშაობდა საკავშირო ვაჭრობის სამინისტროს სამშენებლო ტრესტ "ხლადპრომსტროის" ("სამრეწველო-მაცივარმშენებლობა") ქ. ტულისა და ქ. ნოგინსკის სამშენებლო სამმართველოებში უბნის უფროსად; 1956-1973წწ. საპროექტო ინსტიტუტ "საქქალაქმშენსახპროექტის" სოხუმის ფილიალში ინჟინრად, პროექტის მთავარ ინჟინრად, მთავარ სპეციალისტად, ფილიალის მთავარ ინჟინრად; 1973-1993წწ. საპროექტო ინსტიტუტ "საქსოფლმშენსახპროექტის" სოხუმის ფილიალის დირექტორად; 1993-2008წწ. საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის უფროს მეცნიერ-მუშაკად; უშუალოდ ხელმძღვანელობდა ქ. ნოდინსკში მრავალსართულიანი მაცივრისა (5000 ტონა სურსათის ტევადობით) და მისი საცხოვრებელი დაბის მშენებლობას; ასევე, დასავლეთ საქართველოს რიგი ქალაქებისა და სოფლების გენგეგმების, საცხოვრებელი მიკრორაიონების (სოხუმში, გაგრაში, ოჩამჩირეში, გუდაუთაში, ბიჭვინთაში), ასევე, ქარხნების, მეცხოველეობის კომპლექსების, მეფრინველეობის ფაბრიკების დაპროექტებას; მისი მონაწილეობითა და ხელმძღვანელობით დაპროექტდა მრავალსართულიანი შენობები (ქ. სოხუმში, გაგრაში, ბიჭვინთაში), სანატორიუმის მრავალსართულიანი კორპუსი, იახტ-კლუბი და რესტორანი "ამრა", სატელევიზიო ანძა (ქ. სოხუმში); მონაწილეობდა კოლხეთის სუსტი გრუნტების პირობებში ხიმინჯიანი საძირკვლების დაპროექტება-დანერგვაში; მასიურ ხიმინჯიანი საძირკველმშენებლობის ერთ-ერთი პიონერი საქართველოში და საზღვარგარეთ გამოქვეყნებული 50-ზე მეტი სამეცნიერო ნაშრომის ავტორი; ტექნიკის მეცნიერებათა კანდიდატი; მიღებული აქვს სსრ კავშირის მინისტრთა საბჭოს პრემია.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.454

• საქართველოს საინჟინრო აკადემია, წევრ-კორესპონდენტი

• საქართველოს დამსახურებული ინჟინერი