ზაალ ნაცვალაძე

დაბადების ადგილი: ქ. ოზურგეთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი მშენებლობის ტექნოლოგიის სპეციალობით 1971 წელს.

მუშაობდა საქართველოს მშენებლობის სამინისტროს N18 სამშენებლო ტრესტის N3 სამშენებლო სამმართველოში ოსტატად, სამუშაოთა მწარმოებლად; 1972 წლიდან მუშაობდა იმავე სამინისტროს N13 სამშენებლო ტრესტის N3 სამშენებლო სამმართველოში, ჯერ უბნის უფროსად, შემდგომ კი სამმართველოს უფროსად; 1976 წელს გადაიყვანეს საქართველოს სასოფლო მშენებლობის სამინისტროს N6 სამშენებლო ტრესტის N30 მოძრავ მექანიზებული კოლონის უფროსად; 1986-1988წწ. მუშაობდა საქართველოს განათლების სამინისტროს კაპ. მშენებლობის მთავარი სამმართველოს უფროსად; ამ პერიოდში მისი ხელმძღვანელობით (როგორც დამკვეთი) აშენებულ იქნა ათობით საშუალო სკოლა და სპორტულ გამაჯანსაღებელი ობიექტები რესპუბლიკის ქალაქებსა და სოფლის რეგიონებში; კერძოდ: ახალქალაქში ქართული საშუალო სკოლა, ასევე ბოგვის, ფარცხანაყანების, ლანჩხუთის, ოზურგეთის, ბაღდათის და სხვა; 1994 წელს დააფუძნა და ჩამოაყალიბა სამშენებლო კომპანია "აღმშენებლობა", რომელიც დღემდე აწარმოებს ქ. თბილისში ბინათმშენებლობას, სოციალურ-კულტურული ობიექტების მშენებლობას; საქართველოს სასოფლო მშენებლობის სამინისტროს სისტემაში მუშაობის პერიოდი მისი ხელმძღვანელობით ექსპლუატაციაში შევიდა არაერთი მეფრინველეობის და მეცხოველეობის ობიექტი; 2000-2005წწ. ააშენა რაგბის სპორტული სკოლა ქ. თბილისში (III მასივი), ვაკის რაიონში ცენტრალური საბავშვო ბაღი, გაგარინისა და საბურთალოს ქუჩებზე საცხოვრებელი სახლები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.454; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.26

• 2000 - ღირსების ორდენი