ავთანდილ ნაცვლიშვილი

დაბადების ადგილი: სოფელი ბაში, სამტრედიის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1978 წელს.

1978 წელს დაიწყო  შრომითი საქმიანობა; 1994 წლამდე მუშაობდა საქართველოს სასოფლო მშენებლობის სამინისტროს N2 სამშენებლო ტრესტში; იყო ოსტატი, სამუშაოთა მწარმოებელი, განყოფილებისა და მოძრავ-მექანიზებული კოლონის უფროსი, ტრესტის მმართველი; 1994 წლიდან სს "რიონის" გენერალური დირექტორია; უშუალოდ მონაწილეობდა და ხელმძღვანელობდა იმერეთის ზონის სასოფლო-სამეურნეო, გადამამუშავებელი მრეწველობის, სოციალურ-კულტურული დანიშნულების ობიექტების მშენებლობას და სტიქიური უბედურების შედეგების სალიკვიდაციო სამუშაოებს; მიღებული აქვს სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.455