ვაჟა ნაჭყებია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი "წყალმომარაგების და კანალიზაციის" სპეციალობით 1963 წელს.

1963-1967წწ. მუშაობდა საპროექტო ინსტიტუტების "თბილქალაქპროექტისა" და "საქქალაქმშენსახპროექტის" ინჟინრად, უფროს ინჟინრად და ჯგუფის ხელმძღვანელად; 1967 წლიდან სწავლობდა ასპირანტურაში; 1970-1971წწ. მუშაობდა საქართველოს პოლიტექნიკურ ინსტიტუტში "კომუნალური და სამრეწველო წყალმომარაგების და კანალიზაციის" დარგობრივ ლაბორატორიაში მეცნიერ-თანამშრომლად; 1971-1978წწ. წყალმომარაგების და კანალიზაციის კათედრაზე უფროს მასწავლებლად; პედაგოგიურ მოღვაწეობასთან ერთად ეწეოდა სამეცნიერო-კვლევით მუშაობას; 1978 წელს არჩეულ იქნა კათედრაზე დოცენტად, ხოლო 2006 წელს ასოცირებულ პროფესორად; 1976-1983წწ. იყო საქართველოს პოლიტექნიკური ინსტიტუტის ჰიდროტექნიკისა და სანტექნიკის ფაკულტეტის დეკანის მოადგილე; 1996-2006წწ. ჰიდროსაინჟინრო ფაკულტეტის სასწავლო ნაწილის უფროსი; 1983-2008წწ. მუშაობდა წყლის რესურსების გამოყენების, წყალმომარაგების კათედრის გამგის მოადგილედ; მონაწილეობდა უკრაინისა და შუა აზიის რესპუბლიკების, თბილისის, ქუთაისის, ბათუმის, რუსთავის, გორის, ცხინვალის და საქართველოს სხვა ქალაქების წყალმომარაგების სისტემების ტექნიკურ-ეკონომიკურ გაანგარიშებაში; მონაწილეობა აქვს მიღებული საერთაშორისო და რესპუბლიკურ სამეცნიერო-ტექნიკურ კონფერენციებში, გამოქვეყნებული აქვს 50-ზე მეტი სამეცნიერო ნაშრომი, სასწავლო-მეთოდური ლიტერატურა და სახელმძღვანელო; მინიჭებული აქვს საქართველოს მინისტრთა საბჭოს და საქართველოს განათლების სამინისტროს პრემიები; 1976 წელს დაიცვა საკანდიდატო დისერტაცია

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.455

• ტუმბოები და სატუმბო სადგურები : სახელმძღვანელო (თანაავტორი). - თბილისი, ტექნ. უნ-ტი, 2012. - 280გვ.
• მეთოდური მითითებები წყლის მიწოდებისა და განაწილების სისტემის საკურსო პროექტის დასამუშავებლად (თანაავტორი). - თბილისი, ტექნიკური უნ-ტის გამ-ბა, 1997. - 72გვ.