ოთარ ნახუცრიშვილი

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1963 წელს; მოსკოვის არქიტექტურის ინსტიტუტის ასპირანტურა 1970 წელს.

1970 წლიდან მუშაობს საქართველოს პოლიტექნიკური ინსტიტუტის (ამჟამად ტექნიკური უნივერსიტეტი) არქიტექტურის, ურბანისტიკისა და დიზაინის ფაკულტეტზე პროფესორად; მისი ძირითადი ნამუშევრებია: ავტოსადგურ იალტაში (არქიტექტორ გ. ჩახავასთან ერთად, 1966), ტურისტული სასტუმრო თბილისში (1976, აღინიშნა II პრემიით), აფხაზეთის სახელმწიფო მუზეუმი (1979, II პრემია), თბილისის კ. მარჯანიშვილის სახელობის სახელმწიფო დრამატული თეატრი - რეკონსტრუქცია (1980, I პრემია), თბილისის შოთა რუსთაველის სახელობის სახელმწიფო აკადემიური თეატრი (რეკონსტრუქცია-გაფართოება, 1989), რიყის უბნის ქალაქგეგმარებითი კონცეფცია (1998, I-II პრემია), ფოთის ვ. გუნიას სახელობის სახელმწიფო დრამატული თეატრი (2001, II პრემია), სასტუმროები თბილისში, აბანოთუბანში (2002), საცხოვრებელი სახლები (თბილისში, ზუგდიდში, მანავსა და საგარეჯოში); არის არქიტექტურის მეცნიერებათა კანდიდატი; მიღებული აქვს სახელმწიფო ჯილდოები და საუწყებო საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.456; საქართველოს არქიტექტორთა კავშირი:  m.facebook.com

• საქართველოს დამსახურებული არქიტექტორი