ვახტანგ ნიჟარაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1941 წელს.

1942 წელს დაიწყო შრომითი საქმიანობა საპროექტო ინსტიტუტ "წყალპროექტში" ინჟინერ-დამპროექტებლად; იყო II მსოფლიო ომის მონაწილე. იბრძოდა საბჭოთა არმიის რიგებში; 1947-1965წწ. მუშაობდა საქართველოს წყალთა მეურნეობისა და ტრანსპორტის სამინისტროების სისტემებში სხვადასხვა თანამდებობებზე; 1965-1973წწ. სამშენებლო ტრესტ "საქჰიდროენერგომშენში" - მმართველად; 1973-1974წწ. საპროექტო ინსტიტუტ "საქჰიდროპროექტში" - დირექტორის მოადგილედ; 1974-1986წწ. საქართველოს სსრ სახელმწიფო საგეგმო კომიტეტში - სამმართველოს უფროსის მოადგილედ, მთავარ სპეციალისტად; ხელმძღვანელობდა საქართველოში 100-მდე სარკინიგზო და საავტომობილო ხიდის, მათ შორის, "საჩხერე-ზესტაფონის" სარკინიგზო მონაკვეთის ხიდების (მდ. ყვირილაზე) და ბარათაშვილის სახელობის ხიდის (თბილისში, მდ. მტკვარზე) მშენებლობას; დიდი წვლილი შეიტანა "ენგურჰესის" მშენებლობაში; შოთა რუსთაველის სახელობის დრამატული თეატრის შენობის რეკონსტრუქციაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.463

• შრომის წითელი დროშის ორდენი
• საქართველოს დამსახურებული ინჟინერი