გიორგი ნოდია

დაბადების ადგილი: აბაშის რაიონი.

დაამთავრა საქართველოს ინდუსტრიული ინსტიტუტის ჰიდრომელიორაციის ფაკულტეტი 1940 წელს.

1941-1942წწ. მუშაობდა საქართველოს წყალთა მეურნეობის სამმართველოს სისტემაში ინჟინრად; 1945 წელს იყო II მსოფლიო ომის მონაწილე, არმიიდან მობილიზების შემდეგ მუშაობდა საქართველოს მინისტრთა საბჭოს გზატკეცილების მთავარი სამმართველოს N8 და N11 საგზაო-საექსპლუატაციო უბნების უფროსად; 1957-1983წწ. ხიდების სარემონტო-სამშენებლო სამმართველოს უფროსად; მონაწილეობდა "ხობი-სენაკის", "სენაკი-აბაშის", "აბაშა-სამტრედიის", "ხობი-ზუგდიდის", "სენაკი-ჩხოროწყუსა" და "ჯვარი-მესტიის" საავტომობილო გზების მონაკვეთების, რამდენიმე ათეული სახიდე გადასავლელისა და ხელოვნური ნაგებობების მშენებლობაში; მიღებული ჰქონდა სახელმწიფო ჯილდოები და საუწყებო საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.463-464