იოანე პენტელაშვილი

იოანე პენტელაშვილი იყო XVIII საუკუნის მეორე ნახევრისა და XIX საუკუნის პირველი მეოთხედის ქართველი მდივან-მწიგნობარი, მთარგმნელი. ცნობილია მისი გადაწერილი სიგელ-გუჯრები და ხელნაწერები. მონაწილეობდა საიათნოვას სომხური ლექსების შემცველი ხელნაწერის გადაწერაში. 1808 წელს გადაწერა სასულიერო შინაარსის კრებული. 1798 წელს თარგმნა სომეხი საეკლესიო მოღვაწისა და მწერლის ვარდან აიგეცკის იგავ-არაკთა კრებული "მელის წიგნი".

წყარო: ქართული საბჭოთა ენციკლოპედია: ტ.8.-თბ., 1984.-გვ.19