შალვა ლოლაძე

დაბადების ადგილი: სოფელი ქვემო ხოდაშენი, თელავის რაიონი.

შალვა ლოლაძე მეორე მსოფლიო ომის დაწყებისას საბჭოთა არმიაში მსახურობდა. 1942 წელს იყო საბჭოთა სამხედრო-საჰაერო ძალების კაპიტანი და საჰაერო ესკადრონის ხელმძღვანელი. მისი თვითმფრინავი გერმანელებმა უკრაინაში ჩამოაგდეს, შალვა ლოლაძე კი დაატყვევეს. ტყვეობაში ყოფნის დროს ის აიყვანეს ვერმახტის შემადგენლობაში ჩამოყალიბებულ ქართულ ლეგიონსა და 822-ე ქვეით ბატალიონ "თამარ მეფეში". 822-ე მუშათა ბატალიონი 1943 წლის აგვისტოდან იმყოფებოდა დაბა ზანდვორტში. 1945 წლის თებერვალში კი ნიდერლანდების კუნძულ ტექსელზე იქნა გადაყვანილი. 1945 წლის 6 აპრილს შალვა ლოლაძის მეთაურობით ბატალიონმა აჯანყება წამოიწყო დამპყრობელი ფაშისტური გერმანიის წინააღმდეგ. იგი ამ ბრძოლას გმირულად შეეწირა. დაკრძალული იქნა კუნძულ ტექსელის ერთ-ერთ ულამაზეს ადგილას-ჰოგე-ბერგზე, მისივე სახელობის ტექსელის ქართველთა ძმათა სასაფლაოზე. ყოველი წლის 4 მაისს აღნიშნულ სასაფლაოზე  ტარდება ხსოვნის დღე. სამხედრო მფრინავი, გერმანელთა ტყვე და შემდგომში ვერმახტის ოფიცერი, რომელიც 1945 წელს სათავეში ჩაუდგა კუნძულ ტექსელზე დაწყებულ ანტიგერმანულ ამბოხებას.