შოთა ნუცუბიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამოქალაქო და სამრეწველო მშენებლობის სპეციალობით 1954 წელს.

1946-1960წწ. მუშაობდა საქართველოს მშენებლობის სამინისტროს N4 სამშენებლო ტრესტის N2 სამმართველოში ოსტატად, სამუშაოთა მწარმოებლად, უბნის უფროსად, უფროსის მოადგილედ; 1960-1965წწ. იყო N4 სამშენებლო ტრესტის რკინაბეტონის ქარხნის დირექტორი; 1966-1985წწ. ტრესტ "საქმშენინდუსტრიის" N2 რკინაბეტონის ქარხნის დირექტორი; აღნიშნული ქარხნების მიერ გამოშვებული კონსტრუქციებით აშენდა სამოქალაქო და სამრეწველო დანიშნულების არაერთი მნიშვნელოვანი ობიექტი: საავტომობილო, ლითოფონის, ელექტრომექანიკური, რეზინის ნაკეთობათა ქარხნები, აბრეშუმისა და ბამბეულის კომბინატები (ქუთაისში), საცხოვრებელი სახლები, საბავშვო ბაღები, ჯანმრთელობის დაცვის ობიექტები დასავლეთ საქართველოს რაიონებში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.464

• შრომის წითელი დროშის ორდენი
• საქართველოს დამსახურებული მშენებელი