კონსტანტინე ოდიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამდინარო და ჰიდროტექნიკური ნაგებობების მშენებლობის სპეციალობით 1965 წელს.

1964-1965წწ. მუშაობდა საპროექტო ინსტიტუტ "თბილჰიდროპროექტის" უფროს ტექნიკოსად; 1965-1968წწ. იყო საქართველოს მეცნიერებათა აკადემიის ა. რაზმაძის სახელობის მათემატიკის ინსტიტუტის გამოყენებითი მექანიკის განყოფილების უფროს ტექნიკოსად; 1968-1971წწ. საბჭოთა კავშირის მშენებლობის საქმეთა სახელმწიფო კომიტეტის ("სახმშენის") კუჩერენკოს სახელობის ცენტრალური სამშენებლო სამეცნიერო ინსტიტუტის ასპირანტი; 1972 წელს დაიცვა დისერტაცია და მიენიჭა ტექნიკურ მეცნიერებათა კანდიდატის ხარისხი; 1971-1986წწ. თბილისის ზონალური ს/კ, ტიპური და ექსპერიმენტული პროექტების ინსტიტუტ "თბილზნიეპის" საინჟინრო გათვლების მექანიზაციის განყოფილების გამგე; 1972-1992წწ. მიწვეული იყო საქართველოს ტექნიკური უნივერსიტეტის სამშენებლო მექანიკის კათედრაზე დოცენტად; 1986-1996წწ. მუშაობდა სამეცნიერო-საპროექტო-საკონსტრუქტორო ცენტრის "მშენინდუსტრიის" დირექტორის მოადგილედ სამეცნიერო დარგში; 1996-2003წწ. საქართველოს ურბანიზაციისა და მშენებლობის სამინისტროში, მეცნიერების კოორდინაციის მთავარი სამმართველოს უფროსად; 2003 წლიდან საკონსულტაციო, საექსპერტო, საინფორმაციო და საპროექტო ფირმა შპს "კონექსის" მთავარი ინჟინერია; მონაწილეობა აქვს მიღებული სხვადასხვა ფუნქციონალური დანიშნულების ნაგებობების გაანგარიშებებში და პროექტირების მეცნიერულ თანძღოლაში; წლების განმავლობაში იყო საქართველოს სახელმწიფო ექსპერტიზის მთავარი სამმართველოს ექსპერტი. მშენებლობის ექსპერტთა საქართველოს ასოციაციის წევრი და მშენებლობის ექსპერტია. ტექნიკის მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.466-467; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.160

• მეცნიერ ექსპერტთა საბჭო, წევრი
• საქართველოს საინჟინრო აკადემია, წევრ-კორესპონდენტი

• 2002 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1980-2000 წლებში შესრულებული სამუშაოსათვის - "შენობა-ნაგებობების საიმედოობის ამაღლების კომპლექსური ღონისძიებების კვლევა და რეალიზაცია"
• 1999 - ღირსების მედალი
• საქართველოს დამსახურებული ინჟინერი