ტარიელ გვალია

დაბადების ადგილი: ქ. ზესტაფონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1984 წელს; თბილისის სახელმწიფო უნივერსიტეტის ბიზნესის ფაკულტეტი 2001 წელს. 

1984-1987წწ. სწავლობდა თბილისის სახელმწიფო უნივერსიტეტის ასპირანტურაში. 1987-1989წწ. იყო მეცნიერ-თანამშრომელი; 1990-1994წწ. იბერიაბანკის სავალუტო განყოფილების უფროსი; 1995 წლიდან ის იყო თბილუნივერსალბანკის დამფუძნებელი და მთავარი აღმასრულებელი დირექტორი, მის საქართველოს ბანკთან შერწყმამდე (ქვეყნის უდიდესი ბანკი, დაშვებულია ლონდონის საფონდო ბირჟაზე, FTSE 250). შერწყმის შემდგომ, 2004-2006წწ. საქართველოს ბანკის სამეთვალყურეო საბჭოს თავმჯდომარის მოადგილე; 2008-2010წწ.  ბელარუსის სახალხო ბანკის დირექტორთა საბჭოს თავმჯდომარე; საქართველოში დააფუძნა რამდენიმე წამყვანი კომპანია, როგორებიცაა: GCG აუდიტი, Galt & Taggart და საქართველოს სალიზინგო კომპანია. გარდა ამისა, ის არის აფხაზი სტუდენტების დახმარების ფონდის დამფუძნებელი და გამგეობის თავმჯდომარე, ხელნაწერთა ეროვნული ცენტრის მეგობართა საზოგადოების გამგეობის წევრი; აქვს ივანე ჯავახიშვილის სახელობის თბილისის სახელმწიფო უნივერსიტეტის ისტორიისა და ეკონომიკური მეცნიერებების მაგისტრის ხარისხი.

საკანდიდატო დისერტაციის თემა - "გეოგრაფიული ფაქტორის როლი ქართული კულტურის ჩამოყალიბებაში", დაიცვა 1988 წელს. 

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.113; დამოუკიდებელ დირექტორთა გაერთიანების ვებ გვერდი: id.org.ge

• გეოგრაფიული ფაქტორისა და ქართული კულტურის ურთიერთმიმართების ზოგიერთი საკითხი (Author). - თბილისი, თბილ. უნ-ტის გამ-ბა, 1991. - 136გვ.